Яңалыклар

Дин дәресләре

Дүртенче дәрес
Тәсмия (бисмилләһ) һәм хәмед (мактау)

Мөгаллим: Без шушы үзебез файдалана торган нәрсәләрне Аллаһы Тәгалә безгә бушлай биргән дигән идек. Беләсезме нәрсәне кемгә бушлай бирәләр? Менә сезгә ата-аналарыгыз һәр кирәк нәрсәләрегезне биреп торалар: сезне ашаталар, эчертәләр, киендерәләр, кадерлиләр. Алар нигә болай итәләр?

Фәрит Хөснуллин: «Үткәнебез – горурланырлык, киләчәгебез – өметле»

(Сарман муниципаль районы башлыгы Фәрит Мөнәвир улы Хөснуллин белән Ләбиб Лерон әңгәмәсе)

 

– Күп кешенең тормыш юлында, шәхес булып формалашуында гаилә зур роль уйный. Сез нинди гаиләдә тәрбияләндегез?

– Әтием Мөнәвир озак еллар Сарман таш карьерын һәм Муса Җәлил исемендәге колхозны җитәкләде. 1982 елдан лаеклы ялга чыкканчы авыл хуҗалыгы һәм азык-төлек идарәсе җитәкчесе булып эшләде, районның авыл хуҗалыгы өлкәсен үстерүгә зур өлеш кертте. Ул – Татарстанның атказанган агрономы. Миңа җитәкче сыйфатлары аннан күчкәндер дип уйлыйм. Кызганыч, әтием вафат инде. Безнең өчен бүген дә намуслылык һәм тугрылык үрнәге ул.

Сәяхәтче бал корты

Истанбул аэропортыннан самолет һавага күтәрелде. Айдар әнисе янында, тәрәзәдән карап бара. Аста – диңгез зәп-зәңгәр көзге сыман…

Шулчак тәрәзәгә бал корты килеп кунды.

– Әни, әни, күр әле! Бал корты да безнең белән Мәскәүгә кайтамы? – дип, Айдар кычкырып җибәрде.

Әби биргән сабак

Минем әби – Хәдичә карчык – әтинең әнисе 102 яшенә кадәр яшәде. Минем исәпләвемчә, ул 1852 елгы булырга мөмкин. Рәсәйдә крепостнойлык 1862 елда бетерелгән. Әби ул чакта 8-10 яшьлек үсмер кыз булып, моны бик яхшы хәтерли иде.

– Кяферләргә слабуда (ирек) биргән елны без Федот боярына урак урдык. Көлтә куйдык. Урысларның бер дә ирекле буласы килмәде. Алар, азат итмәвен сорап, хуҗалары алдында тезләнеп ялындылар. Урыска ирек төс түгел. Бабай әйтәдер иде: «Алар «Пугач явы»на да кушылмады. Җаек казаклары безнең белән иде, Пугач үзе дә казак бит», – дип.

Татар китабы йортында Дәрдмәнд иҗатына багышланган күргәзмә ачыла

Татар китабы йортында Дәрдмәнд иҗатына багышланган күргәзмә ачыла.

20 октябрьдә сәгать 12:00дә Татар китабы йортында татар әдәбиятының классик шагыйре, җәмәгать эшлеклесе, сәнәгатьче һәм хәйрияче Закир Рәмиевнең (Дәрдмәнд) тормышы һәм иҗатына багышланган күргәзмә ачыла. Бу хакта Татар китабы йортының матбугат хезмәте хәбәр итә.

Театр белгече Рәүф Игъламовның тууына 80 ел

Театр белгече һәм тәнкыйтьче, Татарстан Республикасының атказанган сәнгать эшлеклесе (1991), Д.Сираҗиев исемендәге премия лауреаты (2002) Рәүф Игъламов (Рәүф Мәхмүт улы Игъламов) 1941 елның 19 октябрендә Казанда туган.

1971-2001 нче елларда ул – Казан мәдәният һәм сәнгать академиясе, аннары Казан театр училищесы укытучысы. Татар һәм башка милли театрларның тарихына һәм үсеш проблемаларына багышланган күпсанлы мәкаләләр, «Күренекле драматург» (1987), «Уйнаучы курчаклар сәнгате» (2004), «Вакыт аша сынау» (2007) китаплары авторы.

Р.Игъламов 2016 елның 25 маенда вафат булды.

Шагыйрь Равил Бохараевның тууына 70 ел

Шагыйрь, прозаик, драматург, публицист, журналист һәм тәрҗемәче, Республиканың М.Җәлил исемендәге премиясе лауреаты (1986), Татарстанның Г.Тукай исемендәге дәүләт премиясе лауреаты (2006), 1978 елдан СССР Язучылар берлеге әгъзасы Равил Бохараев (Равил Рәис улы Бохараев) 1951 елның 18 октябрендә Казанда туган.

1968-1974 нче елларда Казан дәүләт университетының механика-математика факультетында укый һәм кибернетика белгечлеге буенча аспирантура тәмамлый. Ул – 20дән артык китап авторы.

Р.Бохараев 2012 елның 24 гыйнварында Лондонда вафат булды.