Салкын себер җиле үзәкләрне өзеп, кигән кием аша үтеп, бөтен тәнне өшетә. Искереп беткән, берничә кешедән калган, кырык ямаулы бишмәт ачы җилдән саклый алмый шул. Башындагы олы шәлен чалыштырып аркасыннан бәйләгән, чыра кебек ябык 15 яшьлек кыз бала урман эченнән чыкканда корыган ботаклар төялгән агач чананың бавы өзелде. Килгән эзләр әллә кайда юкка чыккан, күз ачкысыз буран башланган.

Татар театры тарихында истә калырлык вакыйга булды – Казанда Кәрим Тинчурин исемендәге Татар дәүләт драма һәм комедия театры коллективы, озак еллар иҗат иткән Горький урамындагы тарихи бинадан китеп, Татарстан урамындагы яңа йортларында «Хыял артыннан» дип исемләнгән беренче спектаклен уйнады.

Татарстан Дәүләт сынлы сәнгать музееның Заманча сәнгать галереясында рәссам Алена Савюкның кытай рәсемнәреннән торган күргәзмәсе ачылды.

Агымдагы елның 18 сентябрендә күренекле сүз остасы, Татарстанның халык язучысы, җәмәгать эшлеклесе, прозаик, публицист Гариф Ахунҗан улы Ахуновның тууына 100 ел тулды. Шул көнне язылган мәкаләмне укучыларга тәкъдим итәм.

ТР Дәүләт архивында композитор Александр Ключаревның шәхси фонды кулъязмалары белән тулыланачак.

Һәрвакыттагыча, очраклылык галиҗәнапләре үз сүзен әйтте. Мин, сүзләрне берәм-берәм чүпләп, тезә-тезә, шушы хикәятне яза башладым. Ә барысына да Фәридә ханымның баянда, «Кил, иркәм, кил инде» җырын уйнап җибәрүе сәбәп булды. Һәвәскәр, өстәвенә хатын-кыз башкаручы булганлыктан, бик исем китмичә генә тыңлый башладым.

Депрессия һәм неврастения булганда, 2 аш кашыгы киптереп төелгән чабыр үләнен термоска салып, өстенә 1 стакан кайнар су агызалар да, төнгелеккә калдыралар. Иртән сөзәләр, стакан тулганчы кайнаган су өстиләр һәм, дүрткә бүлеп, ашарга 30 минут кала, чирегешәр стакан эчәләр.

(Шигъри бәет өслүбендә)

Борын-борын бервакыт. Газета-журнал нәшриятының «Яшь ленинчы» редакциясе. Газетаның баш мөхәррире Роза ханым Туфитуллова коридордагы утны кабыза да: – Тегендә баргач та җитешербез әле караңгыга, – ди. Шулчак шагыйрь Мөдәррис Әгъләм килә дә: – Анда да кая эләгәсең бит әле! – дип, башын кыңгыр салып китеп бара.

12 октябрьдә Казанда татар җәмәгатьчелеге күренекле язучы, әдәбият белгече һәм тарихчы, академик Миркасыйм Госмановны (1934-2010) искә алды. Әлеге чарада язучылар, галимнең хезмәттәшләре, укучылары, туганнары һәм кызлары – профессорлар Диләрә Госманова белән Айсылу Мәрданова катнашты.

Шөгер төбәге, Лениногорск ягы талантлы шәхесләр бай. Шуларның берсе – күренекле шагыйрь, язучы, журналист Җәүдәт Дәрзаман (1945-2019).

Дөнья булгач, төрле хәл килеп чыга. Кайчак бер сәбәпсезгә гаеп тагалар, тузга язмаган дәгъва белдерәләр. Көнкүрешебездә дә гаделсезлекләр әз түгел. Шул чакта кемдер ярсып китә, йодрык селкергә дә мөмкин. Ничек үкенмәслек гамәлләр кылмаска, катырак әйтеп ташламаска? Кыскасы, ачу хисләре биләп алганда нишләргә, дип Казанның «Туган авылым» мәчете имам-хатыйбы Нурулла хәзрәт ЗИННӘТУЛЛИНга мөрәҗәгать иттек.

Татарстан радиосы тарихы буйлап бара торгач, 1960-1980 елларга килеп керәбез. Бөек Ватан сугышы михнәтләреннән соң халыкның, ниһаять, ипигә тамагы туя башлаган заман. Татарстанда нефтьчеләренең даны ул заманда бөтен илгә шаулый. Радио үзенең тапшыруларында нефть ягы каһарманнары, нефть чыгарудагы рекордларны даими яктыртып бара.

Г.Камал театрының шәрык залында танылган драматургыбыз Туфан Миңнуллинның «Сөяркә» әсәре сәхнәләштерелде. Спектакль Туфан аганың 90 еллыгына багышлана.

20 октябрьдә Казанның «Курган» зиратында танылган җәмәгать һәм сәясәт эшлеклесе, XII чакырылыш ТАССР Югары Советы һәм I-V чакырылыш ТР Дәүләт Советы депутаты, Татарстанның халык шагыйре, Габдулла Тукай исемендәге Дәүләт премиясе лауреаты Разил Вәлиев (1947-2023) каберенә таш куелды.

Гөлдәрия тату гаиләдә ана назын, ата хәстәрен тоеп үсте. Урта мәктәпне тәмамлады. Институтка конкурс буенча үтә алмагач, мәктәп-интернатта ике ел тәрбияче булып эшләде. Шулай акрынлап акча туплады. Колхозчы булып эшләгән әти-әнисенең барлы-юклы акчасына өметләнмәде ул. Гаиләдә тагын өч бала үсә бит әле.