Миркасыйм Госмановны искә алу

12 октябрьдә Казанда татар җәмәгатьчелеге күренекле язучы, әдәбият белгече һәм тарихчы, академик Миркасыйм Госмановны (1934-2010) искә алды. Әлеге чарада язучылар, галимнең хезмәттәшләре, укучылары, туганнары һәм кызлары – профессорлар Диләрә Госманова белән Айсылу Мәрданова катнашты. Мәҗлескә килүчеләр галимнең Казанның меңъеллыгын үткәрүдә, VII томлык «Татар тарихы» китабын язуда, татар кулъязма мирасын туплаудагы һәм башка мөһим хезмәтләрен искә алды. Миркасыйм Габделәхәт улын игелекле, милләтпәрвәр һәм чын мәгънәсендә татарның затлы галиме булуын ассызыкладылар.