Гәрчә күрсәң ата-анаңдан җәфалар күп заман, Син җәфа итмә аларга, бәлки – хөрмәт, и угълан! Син нидер иттең исә атаң өчен, анаң өчен, Син дә угълыңнан алырсың аны, әлбәт, и угълан!
Дәрдемәнднең (Закир Рәмиевнең) тууына 165 ел
Дәрдемәнд[1]
(23.11.1859-09.10.1921)
Гәрчә күрсәң ата-анаңдан җәфалар күп заман,
Син җәфа итмә аларга, бәлки – хөрмәт, и угълан!
Син нидер иттең исә атаң өчен, анаң өчен,
Син дә угълыңнан алырсың аны, әлбәт, и угълан!
***
Җитәкләргә тырыш дөньяи дүнәнне[2],
Икенең бересе: йә сине җитәкләр,
Алып барыр үзеңне бер чокырга,
Барырсың – бардырыр, төртәр, этәкләр.
Мона ни ул усал карчыкның име:
Ку артыннан ярыймы-юкмы дими!
Җитеп тә, бер сикертеп типсәң артын,
Дәни[3] бит ул – үзен тигәнгә тими!
***
Кил, өйрән, и туган, бер башка телне,
Бүтән телләр белү яхшы һөнәрдер.
Катыштырма вәләкин телгә телне,
Тел уйнатмак наданлыктан әсәрдер.
[1] Шагыйрь, алтын приискалары хуҗасы, иганәче, мәктәп-мәдрәсәләр ачучы, нашир, Беренче Дәүләт Думасы депутаты (1905) Мөхәммәтзакир Мөхәммәтсадыйк улы Рәмиев 1859 елның 23 ноябрендә Оренбург губернасындагы Эстәрлетамак өязенең (хәзерге Башкортстандагы Мәләвез районы) Җиргән авылында туган. 1921 елның 9 октябрендә Орск шәһәрендә вафат булды.
[2] Дөньяи дүнәнне – дөнья дигән атны.
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала