Самара өлкәсендә яңа мәчет ачылды

🏷 Администратор сайта

10 августта Самара өлкәсенең Отрадный шәһәрендә тантаналы төстә Җәмигъ мәчете ачылган. Ул шәһәр округы һәм якын-тирәдә урнашкан авыл җирлекләрендә яшәүче мөселманнарга хезмәт күрсәтәчәк. Бу турыда Самара татарларысайты хәбәр итте.
Иман йортына беренче ташны моннан бер ел элек салганнар, ул тулысынча хәйрия акчаларына төзелгән, диелгән әлеге хәбәрдә.
Ачылыш тантанасына шәһәрдә яшәүчеләр һәм кунаклар килгән. Иң элек мәчет гөмбәзенә ярымай урнаштырганнар.
Отрадный шәһәр округы башлыгы Алексей Бугаков, Россия мөселманнары Үзәк Диния нәзарәте рәисе, Баш мөфти Тәлгат Таҗетдин һәм Самара өлкәсе мөселманнары төбәк Диния нәзарәте рәисе Талип хәзрәт Яруллин яшел тасманы кискәннән соң, истәлек аллеясына агачлар утыртканнар.

Бу хакта тулырак: https://tatar-inform.tatar/news/2018/08/16/169782/

Дөнья хәбәрләре, Яңалыклар

16 августа 2018 Комментарий ЮК