Мөселман яшьләре форумы Мөхәммәд Пәйгамбәргә багышланачак

🏷 Администратор сайта

IV Мөселман яшьләре форумы быел Мөхәммәд Пәйгамбәр (с.г.в) тормышына багышланачак. Бу хакта бүген “Татар-информ” мәгълүмат агентлыгы уздырган матбугат конференциясендә Татарстан мөфтие, республика мөселманнары Диния нәзарәте рәисе Камил хәзрәт Сәмигуллин хәбәр итте.
15-22 июль көннәрендә Болгар шәһәрендә үткәрелә торган чарада 150 кеше катнашуы көтелә. Алар каршында Пәйгамбәрнең оныгы Габдрәхим Лакрим чыгыш ясаячак.
“Яшь булуына да карамастан, ул бик белемле. Яшьләр дә аны ярата, хөрмәт итә. Ул безгә дүртенче ел рәттән килә”, - диде республика мөселманнары Диния нәзарәтенең яшьләр бүлеге җитәкчесе Айгөл Биктимерова журналистлар белән очрашу барышында.
http://tatar-inform.tatar/news/2017/07/10/144138/

Дөнья хәбәрләре, Яңалыклар

10 июля 2017 Комментарий ЮК