Казан үзәгендә “Чәк-Чәй” чәй мәдәнияте музее ачылды

Казанның Иске татар бистәсендәге төп биналарның берсе булган сәүдәгәр Кушаевлар йортында “Чәк-Чәй” чәй мәдәнияте музее ачылды.
Музей ачылышында Татарстанның Туризм буенча дәүләт комитеты вәкиле Артур Абрәшитов экспозициянең стандарт булмавын билгеләп үтте. “Бу яңа проект, ул Иске татар бистәсен тулыландырып тора һәм алга таба музей Казан шәһәренең төп туристлык маршрутларына кертеләчәк”, - диде Татарстанның Туризм буенча дәүләт комитеты рәисе урынбасары.

Казан халкы һәм кунаклар Кушаевлар йортының чәй верандасында чәй эчә һәм чәй тарихы белән таныша алачак. Экспозициядә 19нчы гасырның Кытай чәйнекләре, шулай ук исемнәре билгеле булмаган татар осталары эшләре куелган.
Аларны Татарстан Фәннәр академиясе карамагындагы Археология институты хезмәткәрләре тәкъдим иткән.

• Кушаевлар йорты 1856 елда төзелгән булган. 2013 елда  “КамаСтройИнвест” компаниясе тарафыннан реконструкция үткәрелгән.

Бу хакта тулырак: https://tatar-inform.tatar/news/2018/12/27/177931/