Баулының мәдәният бүлеге җитәкчесе 13 сумкасын музейга бүләк иткән

Татарстанның Баулы шәһәрендәге Туган як тарихы музеенда 25 ноябрьдә хатын-кыз сумкаларына багышланган күргәзмә ачылачак. Ел саен Россиядә ноябрьнең соңгы якшәмбесендә билгеләп үтелүче Әниләр көненә багышлап оештырылучы әлеге күргәзмәдә хатын-кызларның төрле чорларда, төрле елларда модада булган сумкалары тәкъдим ителәчәк.

Бу уңайдан музей халыктан яңа күргәзмәгә куяр өчен сумкалар кабул итәргә әзер. Мәсәлән, район хакимиятенең мәдәният бүлеге җитәкчесе Рәмзия Моратова музейга үз коллекциясеннән төрле фасон һәм төстәге унөч сумкасын бүләк иткән.

«Татар-информ»