Якташ журналистлар очрашты

🏷 Администратор сайта

11 нче март көнне Арчада, шул төбәктә туып-үскән, хәзер газета-журнал, радио һәм телевидение редакцияләрендә эшләүче журналистлар очрашты. Аларны Арча муниципаль район башлыгы Илшат Нуриев кабул итте, сорауларына җавап бирде, районның социал-икътисади хәле турында сөйләде. Аннары журналистлар Г.Тукай исемендәге Арча педагогия колледжы, «Әлифба» музее, 3 нче татар мәктәбе-балалар бакчасы, «Арча» спорткомплексы, «Арча-Арена» боз сарае, Түбән Мәтәскәдәге фермер Айдар Сабиров хуҗалыгы, Түбән Атыдагы Дамир Хәлиуллинның теплицасы һәм сәнгать мәктәбе белән танышты. "Арча якташлары" җәмәгать оешмасы каршында Арча районында туып-үскән журналистларның берлеге төзелде һәм аның җитәкчесе итеп «Безнең гәҗит»нең баш мөхәррире Илфат Фәйзрахманов сайланды.