Мәчкәрә укулары узды

9 сентябрьдә Кукмара районында "Өченче Мәчкәрә укулары" республикакүләм фәнни-гамәли конференциясе узды. Килгән кунаклар иң әүвәле Мәчкәрә авылы зиратында җирләнгән элекке мулла, мөгаллим һәм сәүдәгәрләрнең каберләрен зиярәт кылды, ә аннары яңа төзекләндерелеп килә торган мәчет бинасы белән танышты, Үтәмешевлар йорты ишегалдында булды. Фәнни җыенның пленар өлеше Кукмара мәдәният йортында дәвам итте.