Язма мирас Сарман төбәгендә саклана

Сарманның Бөек Ватан сугышы һәм туган якны өйрәнү музеенда татар халкының язма мирасы, язуы тарихына багышланган конференция узды. Әлеге конференциядә Сарман һәм  Минзәлә районнарының мәктәп-мәдрәсәләре тарихы, татар халкының язма мирасы, рун, гарәп һәм латин графикасындагы язма чыганакларны өйрәнү һәм аларны "Безнең мирас" журналында яктырту мәсьәләләре күтәрелде. Шулай ук Минзәлә һәм Сарман төбәгенең күренекле шәхесләре - бертуган Хәмидиләрнең  тормыш юлы, эшчәнлеге һәм  Коръән тәфсир итүләре хакында да чыгыш яңгырады.