Татар дәүләт филармониясе 100 еллык ТАССР тарихында

Филармония солистлары

Россиянең атказанган, Татарстанның халык артисты Георгий Ибушев

• 
  

  Татарстанның Мамадыш районындагы Владимир авылында туган;

  
  


• 
  

  Казан дәүләт консерваториясендә РСФСРның атказанган, ТАССРның халык артисты Әлфия Заһидуллина классын тәмамлый;

  
  


• 
  

  Тавышы – тенор-альтино;

  
  Илһам Шакировның туган көн кичәсендә: Илһам Шакиров, Рөстәм Маликов, Георгий Ибушев. 2011 ел


• 
  

  1985 елда Г.Тукай исемендәге Татар дәүләт филармониясенең әдәби-музыкаль лекторий бүлегенә эшкә алына;

  
  


• 
  

  1985 елда халык җырларын башкаручыларның Бөтенроссия бәйгесендә дипломант була;

  
  


• 
  

  1986 елда Мәскәүнең Колонналы залында Г.Тукайның тууына 100 ел тулу уңаеннан узган тантаналы концертта СССРның халык артистлары И.Козловский, А.Соловьяненко һәм З.Соткилава белән чыгыш ясый;

  
  


• 
  

  1990 елда С.Сәйдәшев исемендәге вокалистлар бәйгесе лауреаты исемен яулый;

  
  


• 
  

  1991 елда җырчыга «Татарстанның атказанган артисты» исеме бирелә;

  
  


• 
  

  2000 елда ул «Татарстанның халык артисты» исеменә лаек була;

  
  


• 
  

  2007 елда – Г.Ибушев шигырьләре тупланган «Рәхмәт сиңа, җыр», 2019 елда балачак истәлекләре тупланган «Балачакны сагынып...» җыентыклары чыга;

  
  


• 
  

  Георгий Ибушев репертуарында татар композиторлары С.Сәйдәшев, Р.Яхин, М.Мозаффаров, Җ.Фәйзи, Ә.Бакиров, Ф.Әхмәтов һәм Р.Еникеев әсәрләре, опералардан арияләр, романслар, чит ил композиторларының әсәрләре бар;

  
  


• 
  

  2019 елда җырчы «Россиянең атказанган артисты» исеменә лаек була.

  
  

Журналга Зимфира Гыйльметдинова әзерләде.

Безнең мирас. - 2020. - №10. - 110-111 б.