Дамир Гарифуллин: Язмышны каргарга ярамый!

Тормыш ул бик тә, бик катлаулы,
Барсын да аяусыз аралый.
Күңелләр сынса да кинәттән,
Язмышны каргарга ярамый.

Тормыш ул кемлегең сорамый,
Тота да бәгырьне яралый.
Тоташтан янсаң да, көйсәң дә,
Язмышны каргарга ярамый.
Тормыш ул сыный да сыный бит,
Картына, яшенә карамый.
Сыгылып аусаң да, сынсаң да,
Язмышны каргарга ярамый.
Фото: pixabay