Әдәби мирас Уку өчен 1 минут

Үтә гомер, синнән читтә үтә...

Администратор сайта

Караулар 716

Дата 16 март 2021

Үтә гомер, синнән читтә үтә,
Сагынмыйлар үтә дисеңме?
Сагынмасам кабатламас идем
Җырларымда синең исемеңне.
Үтә гомер, синнән читтә үтә,
Үзем теләп ташлап китмәдем.
Беләсең бит адәм балаларын
Бу дөньяда язмыш йөрткәнен.
Үтә гомер, синнән читтә үтә,
Өзгәләнеп яши җаннарым.
Көзләремдә кабул итәр булсаң,
Кайтыр идем сиңа, Сарманым!
Жырларымда кабатламас идем,
Сагынмасам синең исемне.
Үтә гомер, синнән читтә үтә...
Сагынмыйлар үтә дисеңме!
Клара Булатова
Фото: pixabay

#Клара Булатова #Яңалыклар #Редакция хәбәрләре

Кызыклы һәм файдалы язмалар белән танышып бару өчен Вконтакте төркеменә кушылыгыз.