"Тимәгез гөнаһсыз гөлләргә..."
Тимәгез гөнаһсыз гөлләргә,
Сагышы йөзләргә ягылыр;
Атмагыз күктәге кошларны,
Бәлки, ул кемнеңдер җаныдыр.
Бумагыз чишмәләр агымын,
Чапсын ул, гел алга йөгерсен.
Бәлки, ул кемнеңдер сөюе —
Дөньяның серләрен кем белсен!
Ишмәгез мəһабәт тауларны,
Калсын ул биеклек, калсын сер -
Бәлки, ул халыкның зурлыгын
Күрсәтеп торучы үлчәүдер.
Фәнис Яруллин
Фото: pixabay
Теги: Фәнис Яруллин Редакция хәбәрләре
![Выпуск журнала март](https://beznenmiras.ru/images/uploads/categories/2024/6/24/824b35db10fbe284e644641f1ca71da6.jpg)
КОММЕНТАРИЙ ЯЗАРГА