Тимәгез гөнаһсыз гөлләргә,Сагышы йөзләргә ягылыр;Атмагыз күктәге кошларны,Бәлки, ул кемнеңдер җаныдыр.Бумагыз чишмәләр агымын,Чапсын ул, гел алга йөгерсен.Бәлки, ул кемнеңдер сөюе —Дөньяның серләрен к...
Тимәгез гөнаһсыз гөлләргә,
Сагышы йөзләргә ягылыр;
Атмагыз күктәге кошларны,
Бәлки, ул кемнеңдер җаныдыр.
Бумагыз чишмәләр агымын,
Чапсын ул, гел алга йөгерсен.
Бәлки, ул кемнеңдер сөюе —
Дөньяның серләрен кем белсен!
Ишмәгез мəһабәт тауларны,
Калсын ул биеклек, калсын сер -
Бәлки, ул халыкның зурлыгын
Күрсәтеп торучы үлчәүдер.
Фәнис Яруллин
Фото: pixabay
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала