Синнән миңа...

Синнән миңа шулкадәр аз кирәк,
Бер җылы сүз генә.
Синнән миңа шулкадәр күп кирәк,
Син миңа түз генә.
Шулкадәрле синнән аз сорыйм бит, —
Сөеп кенә кагыл.
Синнән миңа шулкадәр күп кирәк, -
Илһам булып агыл.
Бик аз гына сорыйм, бик аз гына,
Бары тик наз гына.
Күп тә сорамыйм бит, сөюеңнән
Акылдан яз гына.
Күп тә түгел, аз да түгел инде
Җаныма яз сорыйм.
Җылы сүзсез, назсыз, җанда язсыз
Мин барыбер корыйм, -
«Аллам бул», — дип сорыйм.