"Син миннән шулкадәр ераксың"

Син миннән шулкадәр ераксың -
Дәрьялар, кыялар арада.
Җилләрең китергән суыктан
Күңелдә мең сагыш ярала.

Мең сагыш ярала күңелдә,
Мең кабат ул үлеп терелә.
Беркайчан яз җитмәс, ахрысы (!) -
Кабаттан кышларга керелә.
Фото: pixabay
Давыллар үзәгем телгәли,
Тоныла диңгезең шавыннан.
Мин сине бураннар көчләрен
Басарлык булырдай сагынам.
Сарылам суынган эзеңә:
Бу исәр сагыштан арала!..
Син миннән ераксың, ераксың -
Галәмнәр сыярлык арага.
Ләйлә Фаяз