Разил Вәлиев. Илһам

Разил Вәлиев шигыре
Луиза Батыр-Болгари музыкасы

Ил кайгырса, илдә Илһам җылый,
Ил сөенсә, илдә Илһам көлә;
Бәгырьләрне безнең телә-телә
Чорлар аша узып бер моң килә. 

Кушымта:
Һай, дусларым минем, туганнарым,
Кайгылардан сезне ничек йолыйм?!
Онытыгыз бөтен кайгыларны, —
Сезнең өчен бүген үзем җылыйм,
Сезнең өчен бүген үзем җырлыйм.

Туар көннән якты бәхет көтеп,
Төште инде сары сагыш йөзгә.
Гел кояшлы көн сорамыйм, Ходам,
Илһамлы көн бир син бүген безгә.

Кушымта.

Илһамлы сүз – бары туган җирдә,
Иң татлы моң – бары туган телдә...
Шатлыгым да, хәсрәтем дә минем,
Бәхетем дә бары туган илдә.

Кушымта:
Һай, дусларым минем, туганнарым,
Кайгылардан сезне ничек йолыйм?!
Онытыгыз бөтен кайгыларны, -
Сезнең өчен бүген үзем җылыйм,
Сезнең өчен бүген үзем җырлыйм.