...гә

Онытуы авыр булды сине,
Азап булдың гомер буена.
Көтмәгәндә, əрсез өмет булып,
Килеп керәсең гел уема.
Горурлыгың җиңде. Аңлашырга
Җитә иде бары бер адым.
Киткәнеңне күрдем тиз-тиз атлап,
Әллә көлдең, әллә eлaдың.
Кирелегем җиңде. Аңлашырга
Җитәр иде, бәлки, бер адым.
Киткәнеңне күрдем. Өнсез калып,
Тыштан көлдем, эчтән елaдым.
Онытуы авыр булды сине.
Килеп керәсең дә yема,
Җиз кыңгырау тагып атларыма
Кайтам ясалмаган туема...
Рәниф Шәрипов
Фото: pixabay