Әдәби мирас Уку өчен 1 минут

"Тик төш булып кына калдымыни Мәхәббәтнең гүзәл авазы?!"

Администратор сайта

Караулар 825

Дата 16 август 2021

Мин берүзем,
ләкин йөрәгемдә
Аерылуның мең-мең газабы.
Тик төш булып кына калдымыни
Мәхәббәтнең гүзәл авазы?!
Кайда сон ул язның айлы киче,
Баш очында тирәк шаулавы?
Кайда соң ул, бер-берсенә тиеп,
Иреннәрдә канның кайнавы?
Бөтен нәрсә төгәл кебек иде,
Юкка чыкты кинәт барсы да:
Ямь ямь түгел,
шатлык шатлык түгел,
Син булмагач минем каршыда.
Мин берүзем,
ләкин йөрәгемдә
Аерылудан калган мең газап.
Гомер буе шулай дәвам итсә,
Ниләр кылырмын соң мин азак?
Әнгам Атнабаев
Фото: pixabay

#Әнгам Атнабаев #Яңалыклар #Редакция хәбәрләре

Кызыклы һәм файдалы язмалар белән танышып бару өчен Вконтакте төркеменә кушылыгыз.