Йөрәктә сөю һаман

Еллар уза, еллар уза,
Истә гел, истә яшьлек.
Күңелемнән эзләп сине,
Аламын кебек дәшеп.
Бергәләп атлаган идек,
Алсу таңнарга табан.
Мәхәббәт - һаман йөрәктә,
Йөрәктә - сөю һаман.
Бормалы тормыш юлының
Узылса да байтагы,
Хыялларның канатында
Яннарыма кайт әле.
Юлыбызда әле тагын
Очраса да киртәләр,
Безгә бәхетләр китерер
Сагындырган иртәләр.
Илгизәр Фазлуллин
Фото: pixabay