Яшел Үзәндә Фаил Шәфигуллинны искә алдылар (ФОТОЛАР)

22 майда Яшел Үзәндә атаклы язучыбыз Фаил Шәфигуллин музее урнашкан китапханәдә әдипнең тууына 90 ел тулуга багышланган кичә булды. Кичәдә әдипнең хатыны - куренекле шагыйрә Эльмира Шәрифуллина, кызы Раушания, оныклары Сәйдәш белән Сөмбел, балдызы Гөлчәчәк, язучы Камил Кәримов, "Безнең мирас" журналының баш мөхәррире Ләбиб Лерон, нәфис суз остасы Рәшит Сабиров катнашты hәм чыгыш ясады.