Пәйгамбәребез Мөхәммәднең (с.г.в.) хәдисләре

Әбү Һөрәйра разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Имам «Әәмиин» дисә, сез дә «Әәмиин» диегез. Сезнең арадан кем дә бусла фәрештәләр «Әәмиин» дип әйткәндә «Әәмиин» дисә һәм аның әйтүе фәрештәләрнеке белән туры килсә, булган гөнаһлары гафу ителәчәк».

Әнәс разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Рөкугъ вә сәҗдәләрегезне җиренә җиткерегез. Аллаһ белән ант итеп әйтәмен, шиксез, мин сезнең артымда икәнлегегезне күрәмен. Берегез мәчеткә килсә, ике рәкәгать намаз укымыйча утырмасын».

Әбү Катадә разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Берегез мәчеткә килсә, ике рәкәгать намаз укымыйча утырмасын».

Ибн Гомәр разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Өйләрегезне намазларыгыздан өлешле кылыгыз. Кабер кебек тотмагыз».

Сәүбән разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: Намаздан соң 3 тапкыр истигъфар әйтегез һәм дога кылыгыз: «Әллааһүммә әнтәс-сәләәм үә минкәс-сәләәмү тәбәәрактә йәә зәл-җәләәли үәликраам» («Йә Раббым, Син һәрбер бәладән саклаучы, һәрбер сәламәтлек Синнән генә. Син – мөбарәк зат, и олуглык һәм хөрмәт иясе Аллаһ»).

Текстны басмага Айсылу Вәлиева әзерләде.

«Безнең мирас». — 2022. — №12. — Б. 81.

Фото: pixabay