Габдулла бин Габбас разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Иләнмәгән чи тире, исе һәм нәҗес юеше бетерелсә, пакь булыр».Пәйгамбәребез салләллаһу галәйһи вәсәлла...
Габдулла бин Габбас разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Иләнмәгән чи тире, исе һәм нәҗес юеше бетерелсә, пакь булыр».
Пәйгамбәребез салләллаһу галәйһи вәсәлламнең хатыны Сәүдә: «Куебыз үлгән иде, тирене иләдек тә тузганчы су салып йөрттек», – дип сөйләгән.
Әл-Мөгыйрә бине Шүгъбә разыйаллаһу ганһү риваять итә: «Мин Рәсүлуллаһ салләллаһу галәйһи вәсәлламнең ике читегенең заһиренә (тышына) мәсех кылганын күрдем».
Хүзәйфә разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Без адәмнәр өч сыйфат белән артык кылындык: 1) сафларыбыз фәрештәләр сафлары кебек кылынды; 2) җир йөзенең көлле (һәр җирендә) мәчет кылынды; 3) су белән тәһарәт алу мөмкинлеге булмаганда тәһарәт урынына чиста җир пакьләүче кылынды (тәяммүм)».
Ибн Гомәр разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Җомгага килүче кеше госел коенсын».
Гайшә разыйаллаһу ганһә: «Рәсүлуллаһ салләллаһу галәйһи вәсәллам, миндә хәез (күрем вакыты) булганда, итәгемә таянып, Коръән укыйдыр иде», – дип сөйләгән.
Текстны басмага Айсылу Вәлиева әзерләде.
«Безнең мирас». — 2022. — №6. — 59 б.
Фото: pixabay
Хәдисләр Шәех әл-Камил Вәли әд-Динмөхәммәд бине Габделхатыйб әт-Тәбризинең «Мишкәтүль мәсабих» китабы буенча әзерләнгән һәм 1913 елда 3 китапта басылып чыккан.
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала