Балачак мирасы Уку өчен 1 минут

Китмәгез сез балачактан!

Администратор сайта

Караулар 801

Дата 03 июнь 2021

Бик бәхетле булсагыз да,
Тәхетләргә кунсагыз да,
Сарайларда торсагыз да, –
Китмәгез сез балачактан,
Өмет, хыял янар чактан.
Кайгы-хәсрәт бәйләнсә дә,
Хыял көлгә әйләнсә дә,
Көнең төнгә әйләнсә дә, –
Китмәгез сез балачактан,
Өмет, хыял янар чактан.
Бәхет кулын сузганда да,
Кырын карап узганда да,
Сәлам бирми сызганда да, –
Китмәгез сез балачактан,
Өмет, хыял янар чактан.
Әҗәл килеп җиткәндә дә,
Тәрәзәне чирткәндә дә,
Алмый кире киткәндә дә, –
Китмәгез сез балачактан,
Өмет, хыял янар чактан.
Илдар Юзеев
Фото: pixabay

#Илдар Юзеев #Яңалыклар #Редакция хәбәрләре

Кызыклы һәм файдалы язмалар белән танышып бару өчен Вконтакте төркеменә кушылыгыз.