Редакция хәбәрләре Уку өчен 1 минут

Казан татары җыры («Шәл бәйләдем» көенә)

Администратор сайта

Караулар 780

Дата 22 май 2020

Шигырь яздым, шигырь яздым,
Шигырь яздым, шигырь яздым,
Шигырем әйбәт түгел лә,
Шигырем әйбәт түгел.
Әннә-гидер, геннә-гидер генәем лә,
Пүчтәк шагыйрь икәнемне беләем.
Сөйләгәннәр сөйләсеннәр,
Сөйләгәннәр сөйләсеннәр,
Дөрес сүз гайбәт түгел лә,
Дөрес сүз гайбәт түгел.
Әннә-гидер, геннә-гидер генәем лә,
Берсеннән дә курыкмаем, җиңгәем.
Тәнкыйтьчеләр ябыккан ла,
Тәнкыйтьчеләр ябыккан ла,
Күзәтәләр ярыктан ла,
Күзәтәләр ярыктан.
Әннә-гидер, геннә-гидер генәем лә,
Мин аларның яннарына киләем.
Тукмарга да уйлары бар,
Тукмарга да уйлары бар,
Оялалар халыктан ла,
Оялалар халыктан.
Әннә-гидер, геннә-гидер генәем лә,
Мин оялмыйм – эчем катып көләем.
Фаил Шәфигуллин
(Язучыларның «Тынгысыз каләм» дигән дивар газетасынан, 1980.)
Фото: pixabay

#Фаил Шәфигуллин #Яңалыклар #Шаян мирас

Кызыклы һәм файдалы язмалар белән танышып бару өчен Вконтакте төркеменә кушылыгыз.