Ирләр көнләшә беләме?

Берәү төн уртасында исереп кайтып хатынына бәйләнә:
- Нишләп биш сәгать ишек ачмый торасың? Кайтмас дип сөендеңме?
- Бик тиз ачтым бит.
- Әйтәм кабаланасың, берәрсен күрергә зарыккансың икән.
- Сине көттем.
- Ни пычагыма дип йөзең карурман шикелле алайса? Мине күргәч кара көюеңдер инде.
- Киресенчә, бик күңелле чагым.
- Әйтәм, авызың колакта. Кем белән сүз куешкан идең?
- Әйт әле, зинһар, нәрсә дип бәйләнүең бу? Кайтып кергәннән бирле бер генә авыр сүз әйтсәм иде үзеңә, ичмаса!
- Шул кирәк тә инде миңа. Ярар, әйдә, тыныч кына йоклыйк.
Кадыйр Сибгатуллин
Фото: pixabay