Әдәби мирас Уку өчен 1 минут

"Ардым", - дисең

Администратор сайта

Караулар 633

Дата 28 сентябрь 2020

«Ардым», - дисең, бирешмәскә кирәк,
Томан таралыр да, таң атар.
Хәсрәтләрең булса, сал иңемә,
Пар канатым җилгә таратыр.
«Ардым», - дисең, бирешмикче, иркәм,
Җилләр тынар, туктар бураннар...
«Бу сукмактан бәхетлеләр үткән», —
Диеп искә алсын туганнар.
«Ардым», - дисең, бирешмибез әле,
Рухи байлыгыбыз булганда.
Күз яше дә кайчак җиңеләйтә
Өзелеп-әрнеп күңел тулганда.
«Ардым», - дисең, менә җылы кулым,
Җиде ят күңелне җитә алмас.
Каф тавының Дию пәрие дә
Мәхәббәт ялкынын җиңә алмас.
Әҗәл үзе генә килмәгәндә,
Фани дөнья мине җиңә алмас!
Фәридә Хаҗиева
Фото: pixabay

#Фәридә Хаҗиева #Яңалыклар #Редакция хәбәрләре

Кызыклы һәм файдалы язмалар белән танышып бару өчен Вконтакте төркеменә кушылыгыз.