Әл-Бәра разыйаллаһу ганһү риваять итә. «Рәсүлуллаһның «ястү» намазында «Үәттиини үәз-зәйтүүүн» сүрәсен укыганын ишеттем. Башка беркемнән дә ул күркәм тавышны ишетмәдем».Катәдә разыйаллаһу ганһү риваят...
Әл-Бәра разыйаллаһу ганһү риваять итә. «Рәсүлуллаһның «ястү» намазында «Үәттиини үәз-зәйтүүүн» сүрәсен укыганын ишеттем. Башка беркемнән дә ул күркәм тавышны ишетмәдем».
Катәдә разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Адәмнәрдән иң яман угры – намазыннан урлаучысыдыр. Намаздан урлау – рөкүгъны, сәҗдәне тәмам кылмау (җиренә җиткереп башкармау)».
Ибн Габбас разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Җиде әгъза белән сәҗдә кылырга боерылдым: маңгай, ике кул, ике тез, ике аяк башлары».
Әнәс разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Сәҗдәгезне камил кылыгыз. Сәҗдәдә һичберегез эт кулын түшәгән кебек беләкләрегезне түшәмәгез».
Әл-Бәра бин Газиб разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Сәҗдәдә ике учыңны куй, ике терсәгеңне күтәр».
Әбү Һөрәйра разыйаллаһу ганһү риваять итә. Рәсүлуллаһ салләллаһу галәйһи вәсәллам әйткән: «Бәндәнең Аллаһка иң якын хәле – сәҗдә хәле. Сәҗдәдә доганы күп кылыгыз».
Текстны басмага Айсылу Вәлиева әзерләде.
«Безнең мирас». — 2022. — №8. — 69 б.
Фото: pixabay
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала