Ислам. Дини сүзлек

Гает

Гает (гарәпчә – бәйрәм) – мөселманнардагы ике олы бәйрәмнең исеме: Ураза гаете, Корбан гаете.

Гарәп

Гарәп – Гарәбстан ярымутравында һәм Африкада яшәүче, гарәп телендә сөйләшүче халык.

Гарасат мәйданы

Гарасат мәйданы (синонимы: хәшер) – Кыямәт көнендә кубарылып чыккан адәм балалары җыела торган мәйдан.

Гашура

Гашура (гарәпчә – мөхәррәм аеның унынчы көне). Әлеге көнне Гашура бәйрәме билгеләп үтелә. Ә көннең фазыйләтләре һәм хикмәтләре бихисап. Пәйгамбәребез Мөхәммәд (с.г.в.) болай дигән: «Ибраһим галәйһиссәлам Гашура көнендә тугандыр. Аллаһы Тәгалә аны Нәмрудның утыннан Гашура көнне коткаргандыр, юлның тугрысын да Гашура көнендә күрсәткәндер».

Язманы, «Ислам. Белешмә сүзлек»

(төзүчесе – Заһид Шәфигый, фәнни редакторы – Равил Үтәбәй-Кәрими)

китабын (1993) файдаланып, Ләбиб Лерон әзерләде.

"Безнең мирас". – 2023. – №6. – Б. 58.