Татарстан Республикасы Президенты Рөстәм Миңнеханов рәсми визит белән Согуд Гарәбстаны Корольлекләренә килеп җитте.Эр-Рияд халыкара аэропортында Татарстан Республикасы Президентын Россия Федерациясен...
Татарстан Республикасы Президенты Рөстәм Миңнеханов рәсми визит белән Согуд Гарәбстаны Корольлекләренә килеп җитте.
Эр-Рияд халыкара аэропортында Татарстан Республикасы Президентын Россия Федерациясенең Согуд Гарәбстаны Корольлекләрендәге Гадәттән тыш һәм Тулы вәкаләтле вәкиле һәм Россия Федерациясенең Ислам хезмәттәшлеге оешмасы даими вәкиле Олег Озеров, Эр-Рияд провинциясе губернаторы принц Фейсал бен Бандар, Согуд Гарәбстаны Корольлекләренең сәүдә һәм инвестицияләр министры, Россия Гарәбстан хөкүмәтара комиссия рәистәше Маҗид Аль-Кассаби каршы алды. Иртәгә биредә эшлекле очрашулар планлаштырыла. Аерым алганда, Татарстан Президенты гарәп инвесторлары белән авыл хуҗалыгы һәм икътисад мәсьәләләре буенча фикер алышачак.
Татарстан Республикасы делегациясе составында Татарстан Премьер-министры урынбасары – авыл хуҗалыгы һәм азык-төлек министры Марат Әхмәтов, Татарстан Президенты ярдәмчеләре Радик Гыйматдинов һәм Камил Исхаков, Татарстанның Инвестиция үсеше агентлыгы җитәкчесе Талия Миңнуллина һәм башка рәсми затлар бар.
«Татар-информ»
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала