Алинә Заһитова - Европа чемпионатында икенче!

Олимпия чемпионы Алинә Заһитова Минскида узган фигуралы шуу буенча Европа чемпионатында икенче урынны алды. Кыска программаны ул беренче булып төгәлләгән иде.

Бүген узган хәлиткеч ярышта исә Алинә егылу һәм башка хаталары аркасында җиңү мөмкинлеген кулдан ычкындырды. Узган ел Европа чемпионатын откан Заһитова барлыгы 198,4 балл туплады.
Аннан соң чыгыш ясаган Софья Самодурова 213,4 балл туплады һәм Европа чемпионы булып танылды. Өченче урында – Финляндиядән Вивека Линдфорс.