Рабит Батулла: «Һыбылар»

(Язучылар мәзәге)

Әсәрләрен бастырмый башлагач, Салих Батталга әйткәннәр, имеш:

– Салих ага, нишләп синең исемең бу арада матбугатта күренми? – дигәннәр.

Җавап итеп, Баттал әйткән, имеш:

– Нигә күренмәсен! Көн саен минем турыда язалар ич! – дигән.

– Кайчан? Кайда? – дип гаҗәпкә калган сораучылар.

– Һәр газета минем турыда мәгълүмат бирә, – дигән Баттал. – «Бу җыелышта Мирсәй Әмир, Сибгат Хәким, Гариф Гобәй һ.б.лар катнашты», диләр. «Һыбылар»ны «һәм Батталлар катнашты» дип укырга кирәк.