Эльвира Һади. Югалтулар көне

Мәңгелекнең яралары җанда:
Мең ел килгән югалтулар чиксез...
Тик бер сәбәп күзләремә тула -
Мин бүгеннән синсез...
Йөрәгеңдә тургай калыр микән,
Офыгыңда Кояш ята кимеп?..
Бүген әллә Корбан сорый күкләр -
Син югалттың мине...
Җырга әверелер мизгел булып,
Гасыр буйлап чиксезлеккә таба...
Һәм җиткәндә аръягына чорның
Очрашырбыз кабат...
Фото: pixabay