"Картайсам да, кайнар җилләр көтәм..."

Картайсам да, кайнар җилләр көтәм,
Кайгы илләренә ашыкмыйм.
Һәр агачның җилфер-җилфер иткән
Яшел яфрагына гашыйкмын.
Бар начарны, бар яхшыны тоеп,
Көлә-көлә гомер буйладым.
Чәчәк исен иснəп туймадым мин,
Кояш нурын күреп туймадым.
Шатлык дәрьяларын кичәсем бар,
Күзем белән сөеп тамчысын.
Барча картлар кебек эчәсем бар
Хәсрәтнең дә иң-иң ачысын.
Гамил Афзал
Фото: pixabay