Хушыгыз, хыялларым

Алып килдең таңнарымның
Алларга буялганын,
Ал таңнарым карайдылар —
Хушыгыз, хыялларым!
Алып килдең шатлыкларның
Ефәккә уралганын,
Шатлыклардан кайгы калды
Хушыгыз, хыялларым!
Җилдәй йомшак чәчләреңне
Иркәләп туялмадым,
Үз чәчләрем җилгә очты —
Хушыгыз, хыялларым!
Хушыгыз!
Әнгам Атнабаев
Фото: pixabay

Кызыклы һәм файдалы язмалар белән танышып бару өчен Вконтакте төркеменә кушылыгыз.