ЭНҖЕ ӘХМӘТҖАНОВА: «ЯРАТУ ДИГӘН БУЛАСЫЗ...»

Ярату дигән буласыз

шайтаннан килгән хисне.

Зур гөнаһлар кыласыз бит,

ябып барсына күзне.

Чын мәхәббәт була бары,

никах укыткач кына.

Ир белән хатын бер диндә,

калганы хәрам, зина.

«Уси-пуси» килгән булып

йөрисез туйга хәтле.

Гаилә коргач кына кыен:

түгел имеш ир рәтле.

Хатын ялкау, усал инде –

белә барча туганнар.

Рәтле-башлы тәрбия дә

Күрми, имеш, балалар.

Кая китте туйга чаклы

рәхәт булган мизгелләр.

Юкка чыкты, көл булдылар

барча ант, вәсвәсәләр.

Шулай котырта шайтаннар

үзләренең корбанын.

Аллаһ юлыннан яздыра

дошманы адәм затын.

Сайларга кирәк парларны

иманга карап кына.

Матурлык, байлык туйдан соң

көл булып юкка чыга.

Иманың нык булсын дисәң,

ал бары тәкъва хатын.

Җәннәткә син керим дисәң,

үтә дин кануннарын.

Кызыклы һәм файдалы язмалар белән танышып бару өчен «Вконтакте» төркеменә кушылыгыз.