“Үзгәреш җиле”нең йомгаклау концертлары сериясен 2017 елның язында кабатлыйлар

“Үзгәреш җиле” татар җыры фестиваленә карата тамашачыларның кызыксынуы зур булуын һәм концертны кабат күрсәтүләрен сорап мөрәҗәгать итүчеләрнең күплеген исәпкә алып, фестиваль җитәкчелеге аның лауреатлары йомгаклау концертларын 2017 елның язында күрсәтү мөмкинлеген карый. “Татар-информ” мәгълүмат агентлыгына бу хакта үз чыганакларыннан билгеле булды.

“Үзгәреш җиле” фестивален оештыручылар, музыкаль вакыйгага карата тамашачыларның кызыксынуы зур булуын исәпкә алып, шоуны дәвам иттерергә булган.

Казанда 5 һәм 6 ноябрьдә М.Җәлил исемендәге Татар дәүләт опера һәм балет академия театрында уңыш белән үткән “Үзгәреш җиле” фестивале 2 мең чамасы тамашачы җыйды.

«Татар-информ»

Дөнья хәбәрләре, Яңалыклар

09 ноября 2016 Комментарий ЮК