Татарстан Президенты Рөстәм Миңнеханов юбилеен билгеләп үтә

Рөстәм Нургали улы Миңнеханов 1957 елның 1 мартында ТАССРның Балык Бистәсе районы Яңа Арыш авылында туа. 1978 елда «Авыл хуҗалыгын механизацияләү» белгечлеге буенча Казанда Казан дәүләт авыл хуҗалыгы институтын, ә 1986 елда «Товар белеме һәм азык-төлек товарлары белән сәүдә итүне оештыру» белгечлеге буенча Мәскәү совет сәүдәсенең институтының Казан филиалын тәмамлый.

1978-1980 елларда Саба районы «Авыл хуҗалыгы техникасы» берләшмәсендә инженер-диагностик.

2010 елның 25 мартыннан – Татарстан Республикасы Президенты.

Икьтисади фәннәр докторы (2003 ел). Россия Федерациясенең фән һәм техника өлкәсендәге премия лауреаты (2009 ел). Автомобиль спорты белән кызыксына, атказанган спорт остасы.

«Дуслык ордены» (2002 ел),«Ватан алдындагы казанышлары өчен» IV дәрәҗәдәге Орден (2007 ел), «Татарстан Республикасы алдындагы казанышлары өчен» (2007 ел) һәм Мактау (2014) орденнары, «Санкт-Петербургның 300 еллыгы истәлегенә» медале (2003 ел); «Казанның 1000 еллыгы истәлегенә» (2005 ел), «3 миллиард тонна Татарстан нефтен чыгару уңаеннан» (2007), Федераль иминлек хезмәтенең «Хәрби бердәмлек өчен» (2013) медальләре белән бүләкләнде. Шулай ук Россия Федерациясе Президентының  Рәхмәтенә (2008), Россия Федерациясе Президентының Мактау грамотасына (2009), Россия Федерациясе Хөкүмәтенең Мактау грамотасына (2010), Россия Федерациясе Президентының  Рәхмәтенә (2012), Россия Федерациясе Хөкүмәтенең  Рәхмәтенә (2012, 2013) дә лаек булды.