Язучы Гомәр Галинең тууына 120 ел

Язучы, тәнкыйтьче, җәмәгать эшлеклесе Гомәр Билал улы Гали (Галиев) 1900 елның 16 июнендә хәзерге Татарстан Республикасының Буа районындагы Иске Тинчәле авылында игенче гаиләсендә туган.
1925 елда Гомәр Гали – «Безнең юл» журналының баш мөхәррире, 1927 елда исә ул Татарстан дәүләт китап нәшриятының матур әдәбият бүлеге мөдире итеп билгеләнә.
Репрессияләр шаукымыннан Гомәр Гали дә котылып кала алмый – 1937 елның 9 мартында кулга алына. 1947 елның 10 мартында срогын тутырып иреккә чыга, әмма 1949 елның 23 июнендә янәдән кулга алына.
Әдип 1954 елның 5 июлендә, сөргендә чакта, фаҗигале рәвештә вафат булды.