Яңа ел теләкләре

«Вакыт»ның шикле рәсемнәр басып, «Кояш» абзый кармагына эләкмәвен.

«Йолдыз»ның Казан хәбәрләрен күбәйтүен.

«Кояш»ның очраган берәү белән ызгышмавын.

«Аң»ның аксауда мужик атына тәкълид итүен.

«Сүз»нең дәвамын һәм алтынчы номердагы кебек тозсыз фельетон язып пычранмавын.

«Акмулланың» шул җүләрлегендә дәвам итеп, мөбарәк исемне пычратуын, ләкин соңыннан тәкъдир себеркесе берлә матбугат чарлагыннан себерелүен.

«Шура»ның идарә карзинкасы зуррак эшләвен.

«Ак юл»ның шул эзеннән барып эт, мәче сурәтләреннән бер көтү ясавын.

«Заман календаре»ның хата, ялган мәгълүматлар берлә халыкны ныграк адаштыруын.

Фатыйх Әмирханның «Урталыкта»сына «Хәят» биреп чынландырмавын. Мөфтигә каршы торуда, гәзитәләр берлә сугышып, шөһрәт алган тагы берәр мөхәрриребезнең энесенә имамлыкка шәһадәтнамә алып бирер өчен мөфти алдында баш июен.

Ялт-йолт. – 1916. – № 103. – Б.10.

Фото: pixabay