Татар дәүләт филармониясе 100 еллык ТАССР тарихында

Филармония солистлары

Россиянең атказанган, Татарстанның халык артисты Резеда Галимова

Татарстанның Чистай шәһәрендә туган;
1986 елда Түбән Камада С.Сәйдәшев исемендәге музыка училищесын тәмамлый;
Тавышы – лирик сопрано;

Түбән Кама шәһәренең 3 нче Балалар музыка мәктәбендә 11 ел фортепиано классында укыта;

«Вокал сәнгате – академик җырлау» белгечлеге буенча Мәскәүдә Гнесиннар исемендәге Россия Музыка академиясен тәмамлый;

1997 елда Татар дәүләт филармониясенә Татарстан Республикасы халык уен кораллары дәүләт оркестры солисты булып эшкә килә;

1996 елда С.Сәйдәшев исемендәге вокалистлар бәйгесендә лауреат була;

2000 елда Мәскәүдә узган Халыкара Делфия уеннары бәйгесендә «Академик башкару осталыгы» номинациясендә җиңү яулый;

2001 елда «Татарстанның атказанган артисты» исеменә лаек була;

2003 елда Италиядә «Гранд Прайс» халыкара вокалистлар конкурсында җиңү яулый;

«Нефтьче» мәдәният сарае. Концерттан соң. Уфа, 2004 ел

Җырчының репертуарында татар, рус һәм чит ил композиторларының 300дән артык әсәре бар;

2005 елда «Казанның 1000 еллыгы» медале белән бүләкләнә;

2009 елда «Татарстанның халык артисты» исеменә лаек була; Россия Оборона министрлыгының махсус медале белән бүләкләнә;

Гастрольдә йөргән чак. Сулдан уңга: И.Кыямов, Ә.Авзалова, И.Шакиров, Р.Галимова, Р.Вәлиев

2011 елда Татарстан Президентының Рәхмәт хаты һәм «Мәдәнияттәге казанышлар өчен» күкрәк билгесе белән бүләкләнә;

2013 елда Франциянең Страсбург шәһәрендә «Европа Сарае»нда солоконцерты белән чыгыш ясый һәм 2013 елда Казанда узачак XXVII Универсиаданы тәкъдим итә;

2012 елда җырчыга Татарстан Республикасы «Яңарыш» фондының Рәхмәт хаты тапшырыла;