"Мохтар Мутин хәтәр актер иде..."

Рәшидә Җиһаншина:

- Бервакыт сәхнәдә Горькийның «Дошманнар»ын уйный идек. Мин - Надяны, Мутин Захар Бардинны уйныйбыз. Спектакль вакытында кемдер арка ягымда усал итеп ысылдый:

- Кит, кит юлдан, арткарак кит! - ди.

Мохтар Мутин шулай ысылдый икән. Мутин үзен каплап торганнарын һич тә яратмый иде. Алдында ир кеше торса, бәреп тә җибәрә торган булган, диләр... Мин тиз генә читкә тайпылдым, Захар Бардин ажгырып алгы планга чыкты да монологын сөйли башлады. Хәтəр актер иде...

Рабит Батулла