Галим Энгель Нигъмәтуллинның тууына 90 ел

Әдәбият галиме, тәнкыйтьче, филология фәннәре кандидаты, СССР Язучылар берлеге әгъзасы Энгель Галимҗан улы Нигъмәтуллин 1930 елның 6 ноябрендә Казанда туган.

1948 елда Казандагы 19 нчы мәктәпне тәмамлагач, В.И.Ульянов-Ленин исемендәге Казан дәүләт университетының тарих-филология факультетында укый, аннары Алтай крае, Новосибирск, Казан мәктәпләрендә рус теле һәм әдәбияты укыта. 1968 елда ул, читтән торып укып, М.Торез исемендәге Мәскәү чит телләр институтын да тәмамлый.

1972 елда филология фәннәре кандидаты дигән гыйльми дәрәҗә алу өчен диссертация яклап, Казан университетының Рус һәм чит илләр әдәбияты кафедрасына ассистент итеп билгеләнә. 1977 елда шул ук кафедрада доцент вазыйфасын башкаручы итеп раслана.

Э.Нигъмәтуллин 2001 елның 16 июлендә вафат булды.