Агай белән малайның кибеттән кайтып килеше. Малай ак калач күтәргән, агайның сумкасыннан төргәкләр һәм балык койрыгы күренеп тора. Малай бертуктаусыз тәтелди, агай теләр-теләмәс кенә бер-ике сүз әйт...
Агай белән малайның кибеттән кайтып килеше. Малай ак калач күтәргән, агайның сумкасыннан төргәкләр һәм балык койрыгы күренеп тора. Малай бертуктаусыз тәтелди, агай теләр-теләмәс кенә бер-ике сүз әйтеп куя.
– Әти, нигә ул луна да ай, месяц та ай?
Агай җавап бирә:
– Луна ул, улым, күктәгесе, ул бик ерак, ул бик зур, ә месяцта утыз гына көн була.
– Әти, Альбертның әтисе гүләйт итә икән, ничек була ул гүләйт итү?
– Ярар инде, күп сөйләшмә!
– Әти, әйдә, без дә гүләйт итәбез!
– Җитәр, димен сиңа!
– Әти, Маратның әтисе жулик.
– Кем әйтә аны?
– Малайлар әйтә.
– Хм...
– Әти, син жуликмы?
– Җитәр, димен сиңа!
Агай белән малай кайтып бара. Малай ак күмәч күтәргән, агайның сумкасыннан балык койрыгы күренеп кайта.
Безнең мирас. - 2020. - №10. - 114 б.
Фото: pixabay
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала