Мөфти шәех Равил Гайнетдиннең татарча чыгышларын бирүне дәвам иттерәбез

Чираттагысы «Безнең мирас» журналының баш мөхәррире Ләбиб Лерон белән корган әңгәмәсеннән кыска гына өзек.
Монда мөфти газиз әти-әниләребезгә хәерхаһлы булырга өнди. Үзе авылына кайткан саен әти-әниләренең каберләрен зират кылуын һәм әти-әнисе, әби-бабайлары, туганнары, якыннары һәм бар авылдашларына Коръән укып дога ирештерүен сөйләде.

Безнең мөфти Казан артындагы зур татар авылы — Татарстан Республикасының Питрәч районындагы Шәледә туып үскән.

«Безнең мирас» журналының быелгы сентябрь ае саны Россия Федерациясе мөселманнары диния идарәсенең эшчәнлегенә багышлап, нәшер ителде.