"Яшәп булмый шигырь белән генә..."

Урам. Буран. Тәрәз. Тәрәздә - мин.
Үткән һәр кешене карап торам.
«Бер, ике...» дип шулай, «егерме...» дип,
Гомер мизгелләрен санап торам.

Атылып чыгам буран уртасына,
Көртләр ярып барам, барам, барам...
Ничә айлар инде, ничә еллар...
Уем белән һаман сиңа табан.

Тик бураннар гына туктамасын! -
Килеп җитәм инде менә-менә!
Урам. Буран. Тәрәз. Тәрәздә - мин.
Яшәп булмый шигырь белән генә...

Шәмсия Җиһангирова
Фото: pixabay

Кызыклы һәм файдалы язмалар белән танышып бару өчен Вконтакте төркеменә кушылыгыз.

КОММЕНТАРИЙ ЯЗАРГА