Илсөяр Иксанова. Яну

Сине көтеп үткән көнем яна.
Синсез үткән сагыш-төнем яна.
Көннәр-төннәр диеп юанабыз,
Ә чынында исә гомер яна.
Бер болынның бер үләне яна,
Бер агачның, бер ботагы яна.
Учак яна диеп ялгышабыз,
Ә чынында исә гомер яна.
Офыкларда алсу шәфәкъ яна.
Күкрәкләрдә дөрләп йөрәк яна.
Мәхәббәт бу — яна, дөрли дибез,
Ә чынында исә гомер яна.
Яшен уты булып эзе кала,
Моңы кала...
Фото: pixabay