Сынмый гына узып сынауларны...

Без дә төрле, юлыбыз да төрле,
Төрлелеге белән кызык та.
Үз рәхәтен тоймый яшидер ул
Кеше бәхетенә кызыккан.
Яшәү дәрте булсын күңелләрдә,
Ике түгел, гомер бер килә.
Кабатланмас һәрбер мизгелеңне
"Бу  куаныч" диеп билгелә.
Гөлләрнең дә чәнечкесе була,
Язмышлардан юк шул узмышлар.
Сынмый гына узып сынауларны,
Рәхмәт әйтеп яшик язмышка.
Эльвира Сафина
Фото: pixabay