Әдәби мирас Уку өчен 1 минут

Дания Рахман. Рәхмәт сиңа, Казаным

Администратор сайта

Караулар 788

Дата 24 гыйнвар 2020

Минем белән бергә син дә
Яндың утта, Казаным;
Газапларым оныттырды,
Җан-рухымны савыктырды
Синең изге азаның.
Рәхмәт сиңа, Казаным.
Гомер көзeм синдә үтә -
Бәхетле мин, Казаным;
Бөтен борчуларым алды,
Күңелемә җырлар салды
Синең моңлы азаның, -
Мең-мең рәхмәт, Казаным.
Иман нуры сибеп шулай
Яңгырасын азаның,
Хак Тәгаләм рәхмәтендә
Яшик бергә, Казаным;
Минем моңлы Казаным,
Минем сөйгән Казаным.
Фото: pixabay

#Дания Рахман #Редакция хәбәрләре

Кызыклы һәм файдалы язмалар белән танышып бару өчен Вконтакте төркеменә кушылыгыз.